Благодарения за всякое благодеяние Божие



Царю Небесный, Утешителю, Душе истины, Иже везде сый и вся исполняяй, Сокровище благих и жизни Подателю, прииди и вселися в ны, и очисти ны от всякия скверны, и спаси, Блаже, души наша.


Тропарь, глас 4-й

Благодарни суще недостойнии раби Твои, Господи, о Твоих великих благодеяниих на нас бывших, славяще Тя хвалим, благословим, благодарим, поем и величаем Твое благоутробие, и рабски любовию вопием Ти: Благодетелю Спасе наш, слава Тебе.


Кондак, глас 3-й

Твоих благодеяний и даров туне, яко раби непотребнии, сподобльшиеся, Владыко, к Тебе усердно притекающе, благодарение по силе приносим, и Тебе яко Благодетеля и Творца славяще вопием: слава Тебе, Боже Всещедрый.

Слава Отцу и Сыну и Святому Духу. И ныне и присно и во веки веков. Аминь.


Богородичен

Богородице, христианом Помощнице, Твое предстательство стяжавше раби Твои, благодарно Тебе вопием: радуйся, Пречистая Богородице Дево, и от всех нас бед Твоими молитвами всегда избави, Едина вскоре предстательствующая.


Архив Молитв > Благодарственные молитвы: Благодарения за всякое благодеяние Божие Молитва в прославлении Бога за ососбое хранение верующего Молитва по окончании всякого дела Акафист "Слава Богу за все"