Молитвы иконам Божией Матери 'Благоуханный цвет' и 'Неувядаемый цвет'



Об иконе Неувядаемый цвет
Об иконе Благоуханный цвет

Молитва первая

Царице моя преблагая, надежде моя, Богородице, приятелище сирых и странных Предстательнице, скорбящих Радосте, обидимых Покровительнице! Зриши мою беду, зриши мою скорбь; помози ми яко немощну, окорми мя яко странна. Обиду мою веси, разреши ту, яко волиши: яко не имам иныя помощи разве Тебе, ни иныя предстательницы, ни благия утешительницы, токмо Тебе, о Богомати, яко да сохраниши мя и покрыеши во веки веков. Аминь.


Молитва вторая

О, Пресвятая и Пренепорочная Мати Дево, надеждо христиан и прибежище грешным! Защити всех в несчастиях к Тебе прибегающих, услыши стенания наша, приклони ухо Твое к молению нашему. Владычице и Мати Бога нашего, не презри требующия Твоея помощи и не отрини нас, грешных, вразуми и научи нас: не отступи от нас, рабов твоих, за роптание наше. Буди нам Мать и Покровительнице, вручаем себе милостивому покрову Твоему. Приведи нас грешных к тихой и безмятежней жизни; да оплачем грехи наши. О, Мати Марие, наша преблагая и скорая Заступнице, покрый нас Своим ходатайством. Защити от врагов видимых и невидимых, умягчи сердца злых людей, возстающих на нас. О, Мати Господа Творца нашего! Ты корень девства и неувядающий цвет чистоты и целомудрия, пошли помощь нам, немощным и обуреваемым плотскими страстьми и блуждающими сердцами. Просвети наши душевныя очи, да видим пути правды Божия. Благодатию Сына Твоего укрепи нашу слабую волю во исполнение заповедей, да избавимся от всякия беды и напасти и оправданы будем Твоим пречудным заступлением на страшном суде Сына Твоего. Емуже мы воздаем славу, честь и поклонение ныне и присно, и во веки веков. Аминь.


Акафист иконам Божией Матери Благоуханный цвет и Неувядаемый цвет


Архив Молитв > Молитвы перед иконами "Пресвятой Богородицы": Молитва иконе Пресвятой Богородицы "Аз есмь с вами и никтоже на вы" Молитва иконе Пресвятой Богородицы "Благодатное небо" Молитвы иконам Божией Матери 'Благоуханный цвет' и 'Неувядаемый цвет' Молитва иконе Божией Матери "Боголюбская" Молитва иконе Божией Матери "Владимирская" Молитва пресвятой Богородице "Всецарица" ...